၂၀၂၄၊ မတ် ၂၂

မြန်မာ မြန်မာဟေ့
    ''မြန်မာကို ပေါပေါပဲပဲရတယ်လို့ ထင်နေကြလား"ဟု မိတ်ဆွေတစ်ယောက်က မှတ်ချက်ပြုလေသည်။ သူပြောချင်သည့် အကြောင်းအရာက ရာသီဥတု ပူပြင်းရာမှ စခြင်းဖြစ်၏။ ဆောင်းနှောင်းကို ကျော်လွန်၍ နွေဦးကိုပါ လွန်မြောက်လာခဲ့သည့်အချိန် ရာသီဥတုက ပူပြင်းလာလေသည်။ ထိုကဲ့သို့ ရာသီဥတုပူပြင်းလာချိန်တွင် မြန်မာတို့၏ ရိုးရာနှစ်ကူးသင်္ကြန် အချိန်အခါသည် နီးကပ်လာလေပြီ။ သင်္ကြန်နှစ်ကူး နီးကပ်လာပြီဆိုလျှင် စီးပွားရေးသမားများသည် ကျွန်တော်တို့ကဲ့သို့မဟုတ်ဘဲ  အရောင်းအဝယ် လုပ်ငန်းများကို အကွက်မြင်ကြလေသည်။ ပြီးခဲ့သည့်ရက်ပိုင်းက ကွမ်းယာဝယ်ချိန် ကြားရ သည့်စကား ပြန်၍ဖောက်သည် ချလိုပါသည်။ ကွမ်းယာ ဝယ်နေချိန် အမျိုးသားကြီးတစ်ဦးက Ruby စီးကရက်လာ၍ ဝယ်လေသည်။ ဆိုင်ရှင်အမျိုးသမီးက "Ruby ဈေးတွေတက်သွားပြီ၊ ဈေးတက်တဲ့ အပြင် လိုသလောက် တောင်မရဘူး"ဟု ဆိုနေလေသည်။ သင်္ကြန်နားနီးသော ကြောင့်ဟု ထပ်၍ဆိုလေသည်။
    သူတို့ပြောနေသည့်စကားများကို ကြားမိချိန်တွင် စဉ်းစားမိသည်က Boycott လုပ်ထားသည့် အကြောင်းအရာဖြစ်သည်။ မှတ်မိပါသေးသည်။ ၂၀၂၁ ဖေဖော်ဝါရီ ဆန္ဒပြစဉ်ကဖြစ်၏။ အိမ်ချင်းကပ်ရပ်က အမျိုးသားကြီးတစ်ဦးသည် ဆန္ဒပြပွဲများကို နေ့စဉ်လိုက်၏။ ဆန္ဒပြပွဲသို့ နေ့စဉ်လိုက်နေသော်လည်း လက်ထဲတွင် ျွကဘပ စီးကရက်လေး အစဉ်ခဲထားလေသည်။ သူဆန္ဒပြ ပွဲလိုက်တိုင်း ထိုစီးကရက်လေး ခဲနေခြင်းကို သူ၏အမျိုးသမီးက အမြင်ကပ်ဟန်တူ၏။ "တော်က ဆန္ဒပြပွဲနေ့တိုင်း သွားပြီး တပ်က ထုတ်ကုန်ကြ လက်ကမချနိုင်ဘူး"ဟု ဘုတောလေသည်။ ထိုအခါကြမှ 'ဘာဖြစ်လို့လဲ' ဟုမေးရာမှ Ruby စီးကရက်သည် တပ်ကထုတ်သောကြောင့် မသောက်သင့်ကြောင်း ပြန်၍ပြောလေသည်။ စီးကရက် ကြီးခဲပြီး 'ကိုယ်မှမကင်းနိုင်တာကွာ ဒါလေးတော့သောက် ပါရစေ'ဟူ၍ ပြန်ပြောလေသည်။ ယခုလည်း Boycott လုပ်ထားသည်ဟုဆိုသည့် Ruby စီးကရက်ဈေးတက် သွားသည်ဟု ကြားသောအခါ ဈေးကွက် ဝယ်လိုအားမည် မျှကြီးမားနေသည်ကို သတိထားမိသည်။ ထို့ထက်ပို၍ ပြောလိုသည်က သင်္ကြန်နားနီးလာချိန် မြန်မာဘီယာလို သလောက်မရနိုင်သည့်အကြောင်း ယမကာဆိုင်များက ညည်းချင်းထုတ် နေကြလေသည်။ သင်္ကြန်အတွက်ဟုဆိုကာ ကြိုတင်သိုလှောင်ချင်သည့် ဆိုင်ရှင်များသည် မြန်မာ ဘီယာကို စုဆောင်းဝယ်ယူကြ၏။ ထိုသို့ စုဆောင်းဝယ်ယူကြရာတွင် ဘီယာဖာ ၅၀ လိုချင်သူက သုံးဆယ်သာရသဖြင့် ညည်းညူကြ၏။ ရသည့်နေရာက သွား၍ဝယ်မည်ဟု အကြံထုတ်သူက ထုတ်နေကြလေသည်။ ယခင်က မြန်မာဘီယာ တစ်လုံးလျှင် ကျပ်သုံးထောင် သာရှိရာက ယခု အချို့ဆိုင်များက ကျပ်သုံးထောင့်နှစ်ရာဖြစ်သွားကြောင်း အချို့ဆိုင်များဆိုလျှင် ကျပ် ၃၈၀၀ ပင် ဖြစ်သွားကြလေသည်။ ယမကာချစ်သူတစ်ဦးကဆိုလျှင် "သောက်ကြည့်လိုက် နိုင်ငံခြားဘီယာတွေထက်  မြန်မာလေးကမှ ပိုကောင်းတာဟ"ဟု မှတ်ချက်ပြုလေသည်။
    ထိုအချိန်ကြမှ မည်သူမည်ကဲ့သို့ Boycott လုပ်သည်ပြောပြော မြန်မာက ပန်းပန်နေဆဲဟု သိလိုက်ရသည်။ သင်္ကြန်မရောက်သေးသော်လည်း မြန်မာဘီယာကိုပင် လိုချင်သလောက်မရဟု မြင်တွေ့၊ ကြားနေရာ  မြန်မာချစ်သူများ မြန်မာဘီယာ လိုသလောက်ရကြပါစေဟု ကြိတ်၍ဆုတောင်းမိ၏။ မြန်မာမှန်လျှင် မြန်မာကို ချစ်ကြရဲ့မဟုတ်လား။

ဘာကြီးလဲ
    "ဓမ္မဘက်တော်သားကြီးအဆင်ပြေပါစေ"ဆိုသည့် မှတ်ချက်တစ်ခု ကျွန်တော်သုံးနေသော ဆိုရှယ်မီဒီယာတွင် တွေ့လိုက်ရ၏။ မှတ်ချက်ရေးသူက မမကြီးတစ်ဦးဖြစ်သည်။ ထိုမမကြီးက သူ့ကိုသူ အပျိုကြီးဟုဆိုထား သူဖြစ်သည်။ အားလပ်ချိန်အချို့တွင် သူနှင့် စကားစမည် ပြောဖူးသဖြင့် သူရေး သည့်မှတ်ချက် ကျွန်တော်မြင်တွေ့ရခြင်း ဖြစ်သည်။ အကြောင်းအရာက ထိုင်းတွင်အဖမ်းခံ လိုက်ရ သည့် မိုက်ကယ်၏ အကြောင်းအရာ ဖြစ်လေသည်။ မိုက်ကယ်ထိုင်းတွင်အဖမ်းခံရသည့် မူဗီလေးတစ်ခု၌ အထက်တွင်ဆိုခဲ့သည့်အတိုင်း 'ဓမ္မဘက်တော်သား ကြီးအဆင်ပြေပါစေ' မှတ်ချက်ပြုထား လေသည်။ ထိုမှတ် ချက်ကိုတွေ့ချိန် 'ချစ်မသူက ဘာလို့အဖမ်းခံရတာလဲ'ဟု သွား၍မေးဖြစ်၏။ 'အမှန်တရားလုပ်လို့'ဟု အကြောင်း ပြန်သောအခါ မေးခွန်းများ တသီကြီးမေးဖြစ်၏။ မောင်မိုက်ကယ်သည်ကား ထိုင်းနိုင်ငံတွင် စက်ရုံများ၌အလုပ်လုပ်နေသည့် မြန်မာနိုင်ငံသားများကို လစဉ်တော် လှန်ရေးအတွက်ဟုဆိုကာ ငွေကြေးကောက်ခံ၏။ ငွေကြေးကောက်ခံရာ၌ ကြည်ဖြူစွာ ထည့်ဝင်သည့်ငွေကြေး မဟုတ်ဘဲ မိုက်ကြေးခွဲ၊ ဆက်ကြေးကောက်သည့်ပုံစံ ဖြစ်ကြောင်းကို အထူး ပြောစရာမလို လူတိုင်းသိကြရဲ့ မဟုတ်လား။ ငွေကြေးကောက်ခံရာ၌ ]ဟိုလူကထည့်ပြီးပြီ၊ မင်းကဘာလို့ မထည့်လဲ'ဟုဆိုကာ တုတ်တစ်ချောင်းကိုင်ပြီး ရိုက်နှက်ကောက်ခံနေကြောင်း သိနေကြသည် မဟုတ်လား။ မိုက်ကယ်တွင်လည်း အတိုအရှည်ခေါ် သေနတ်လည်းရှိသည်။ တော်လှန်ရေးလုပ်စားနေ သည့် မိုက်ကယ်က မိုက်ကြေးခွဲစားနေသည်ကို မကျေနပ်သူများ လည်းရှိကြသည်။ သို့သော်လည်း မိုက်ကယ်ကဲ့သို့ အတိုအရှည် Gun မရှိသူများက မိုက်ကယ်ကို ပြန်၍မတုံ့ပြန်ရဲကြပေ။ မတုံ့ပြန်ရဲသည့် သူများရှိသော်လည်း မကျေနပ်သူများလည်း ရှိနေ့ပြန်၏။ ထို့ကြောင့် မိုက်ကယ်ငွေ ကြေးလာတောင်း သည်ကို မထည့်ဝင်ဟု ပေါ်ပေါ်တင်တင် ငြင်းဆိုသူပေါ်ထွက်လာ၏။ ထိုသူပြောသည့်စကား ကရှင်း သည်။ "မင်းတို့ငွေထည့်ရင် တို့မြို့ရွာ၊ ရပ်ကွက်တွေဖျက်ဆီးဖို့ ဖြစ်တယ်။ အဲဒီတော့ မထည့်ဘူး"ဟု ပေါ်တင်ပြော၏။ ထိုစကားကို မိုက်ကယ်၏အသည်းနှလုံး ကျွဲခတ်သည်ထက် နာသည်ထင်၏။ မိုက်ကယ်က စကားဖြင့်မဖြေရှင်း သူ့လက်တွင်ရှိသည့် Gun ဖြင့် ဖြေရှင်းလိုက်လေသည်။
    ထိုင်းရဲများသည်လည်း သူ့နိုင်ငံတွင် သေနတ်ဖြင့် ပစ်ခံရသည်ကိုသိရှိသောအခါ ရေကုန်ရေခန်း ရှာ လေတော့သည်။ တိုတိုပြောရလျှင် မိုက်ကယ်သူများကို သေနတ်ဖြင့် ပစ်သတ်မှုဖြင့် ထိုင်းရဲများဖမ်း သွားလေသည်။ လက်ထိပ်ကြီးတန်းလန်းဖြင့် လူမှုကွန်ရက်တွင် မိုက်ကယ် Movie ပေါ်ထွက်လာ၏။ ထို Movie ကို 'ဓမ္မဘက်တော်သားကြီး အဆင်ပြေပါစေ'မှတ်ချက်ပေးသည့် မမကြီးနှင့် စကားများရ၏။ ထိုမမကြီး ကျွန်တော်မေးသည့် မေးခွန်းများကို မဖြေနိုင်ခဲ့ပါ။ မေးခွန်းက မရှုပ်ထွေး။ 'ဘာလို့အဖမ်းခံရ တာလဲ'ဟု မေးခြင်းကိုပင် တိတိကျကျမဖြေနိုင်ခဲ့။ သြော် လူသတ်မှုပျောက်ပြီး အဖမ်းခံရချိန်မှ ဓမ္မဘက်တော်သားကြီး ဖြစ်သွားပါလားဟု စဉ်းစားမိ၏။ ထိုမမကြီးကို မျက်နှာချင်းဆိုင် စကားပြောဖြစ်အောင် ဆောင်ရွက်ဦးမည်ဟုလည်း စိတ်ထဲတွင် အားခဲ ထားလိုက်မိ၏။ "လူသတ်တာ ဓမ္မလုပ်ရပ်လား ဗျ"ဟု မေးချင်သောကြောင့်ဖြစ်သည်။

မြန်မာပြည်ကို လွမ်းသတဲ့လား
    'ဒင်း'ဟုသာ ဆိုချင်မိ၏။ ဒင်းဆိုသည်က မယ်ပန်ကို ဆိုလိုခြင်းဖြစ်သည်။ ဒင်းက မြန်မာပြည်ကို လွမ်းကြောင်း စာတစ်တန်ပေတစ်ဖွဲ့ ရေးနေလေသည်။ မြန်မာ ပြည်လောက် ကြည်နူးလှပ ဖွယ်အကြောင်းကို ပြောနေသောအခါ ရယ်ချင်မိ၏။ သူတို့ပဲ ပြည်ပကိုထွက်ပြေးပြီး ပြည်တွင်းကို စစ်မီးတောက်လောင်စေရန် ဆောင်ရွက်နေကြသည် မဟုတ်လား။ သူပြောပုံက အမေရိကန်ကို ရောက်နေသည့် အမျိုးသမီးကြီးတစ်ဦးက အမေရိကန်ကို ရောက်သည့်နေ့မှစပြီး မြန်မာနိုင်ငံကို ပြန်ချင်ကြောင်းရင်ဖွင့်သည်ဟုဆို၏။ သို့သော်လည်း နှစ် ၄၀ သာ ကြာမြင့်သွားပြီး မြန်မာနိုင်ငံသို့ ပြန်၍မလာနိုင်ကြောင်းပြောခြင်းကို မယ်ပန် ရှော့ခ်ရသွားလေသည်။ သူကဲ့သို့အနှစ် ၄၀ နေရလျှင်ဆို သည့်အတွေးဖြင့် ချောက်ချားသွားခြင်းဖြစ်သည်။ ထိုစာကိုဖတ်အပြီး မြန်မာပြည်သည် မြန်မာနှင့် ထိုက်တန်သောသူသာ နေခွင့်ရှိသည့်နေရာဟု စဉ်းစားမိသည်။ ထို့ထက်ပို၍စဉ်းစားမိသည်က ပါမောက္ခ ချုပ်ဆရာတော် ဒေါက်တာနန္ဒာမာလာ ဘိဝံသဟောသော တရားတော် ပြန်လည်ကြားရောင်မိ၏။
    "မြတ်စွာဘုရားက ကောင်းမှုကိုအရင်လုပ်ခိုင်း တာမဟုတ်ဘူး၊ မကောင်းမှုကို အရင်ရှောင်ခိုင်းတာ၊ ဘာကြောင့်လဲဆို နောင်တမရအောင်"ဟု ဆိုသည့်တရား တော်ဖြစ်သည်။ ထိုကြောင့်မို့ထင်သည်။ ရှင်ဇနကာ ဘိဝံသသည်လည်း 'စိတ်ကောင်းရှိဖို့ ပထမ'ဟု တိတိကျ ကျလမ်းညွန်ခဲ့သည်။ မကောင်း မှုလုပ် စိတ်ထားမကောင်းသူများ မြန်မာမြေနှင့် မထိုက်တန်ပါလားဟု မြန်မာမြေပေါ်တွင် ထိုက်ထိုက်တန်တန်နေရသည့် ကိုယ့်ကိုယ်ကိုယ်ပင် ဂုဏ်ယူမိပါသည်။

ရန်များကုန်စင်နေသော ရန်ကုန်
    သည်ရက်ပိုင်း အကြောင်းကိစ္စတစ်ခုဖြင့် ရန်ကုန်သို့ ရောက်ဖြစ်ခဲ့သည်။ ရန်ကုန်သို့ ရောက်ရောက်ခြင်း မိတ်ဆွေတစ်ဦးက 'ရန်ကုန်က ဘီယာဆိုင်ယဉ်ကျေး မှုနည်းသွားပြီ'မှတ်ချက်ပြုလေသည်။ အံ့သြကြီးစွာနှင့် 'ဘယ်လိုကြောင့်လဲ'ဟု ပြန်၍ မေးခွန်းထုတ်ဖြစ်၏။ ဘီယာဆိုင်ထက် ဘားများကိုသာ သွားကြသည်ဟု ပြန် လည် ဖြေသောအခါ သြော်... အဆင့်များစွာ မြင့်နေကြပါလားဟု မှတ်ချက်ပြုမိ၏။ သို့နှင့် ကြံဆောင်ရ၏။မိတ်ဆွေပြောစကား မှန်လိုက်လေခြင်းဟု ထောက်ခံမိသည်။ မူးဇစ် (Music) လေးဖြင့် ဘီယာသောက်ရသည့် အရသာကို ရန်ကုန်မြို့ကြီးသားများ ပို၍ခုံမင်နေကြလေပြီ။ ဘာပြဿနာမှမတွေ့ရ။ မြန်မာဆန်ဆန်ပျော်ပွဲကို မက်မက်မောမောခံစားနေကြသည်ကို စိတ်ချမ်းမြေ့ဖွယ် တွေ့ရ၏။
    မြန်မာ၏ကာရိုက်တာကိုက ပျော်ပျော်ရွှင်ရွှင် နေတတ်သူများဖြစ်သည်ဟု တွေးမိပါ၏။ လမ်းကြုံ ရောက်ဖြစ်သည်များကိုလည်း ဖောက်သည်ချပါရစေ။ ရွှေဆိုင်တန်းဘက်သို့ ရောက်မိခြင်းဖြစ်၏။ 'ဝိုး' ဟုသာ မှတ်ချက်ချမိ၏။ ကြိတ်ကြိတ်တိုး ရောင်းဝယ်ဖောက်ကား နေကြလေသည်။ ပြည်ပထွက်ပြေး သူများ၏ သတင်းများ ဖတ်နေလျှင် မိတ်ဆွေ စိတ်ပျက်စရာဖြစ်မည်။ ကိုယ်တိုင် မြင်တွေ့ရသည်နှင့် ထိုသတင်းများ မည်မျှကွာခြားသည်ကို ကိုယ်တွေ့ကြုံမှ ယုံရသည်။ ရွှေတိဂုံစေတီတော်မြတ် ကြီးကို သွားရောက်ဖူးမြော်ချိန် ပို၍အံ့သြမိသည်။ နံနက်စောစောကိုပင် ရွှေတိဂုံစေတီတော်မြတ်ကြီးကို လာရောက်ဖူးမြော်ကြသူများက ကြက်ပျံမကျစည်ကားနေ လေသည်။ ထိုမြင်ကွင်းက ကြည်နူးဖွယ် ကျက်သရေရှိလှ၏။ ရွှေတိဂုံစေတီတော်မြတ်ကြီးကို ဖူးမြော်ပြီးချိန် ပြည်သူ့ရင်ပြင်တွင်ရှိသည့် Morning Star  သို့ ချီတက်ကာ Breakfast စားဖြစ်သည်။ စားပွဲဝိုင်းအလွတ်ပင်အတော် ရှာယူရလောက်အောင် စားသောက်နေကြလေသည်။လူများ၏ အသွင်သဏ္ဌာန်ကို ကြည့်လျှင်သိနိုင်ပါ၏။ စက်ဘီးစီးလာသည့် သူများ၊ ကျန်းမာရေး လေ့ကျင့်လာသူများ၊ ဘုရားဖူးလာသူများက ထိုဆိုင်တွင် စကားစမြည် ပြောကာ စားသောက်နေကြလေသည်။ မည်သို့ပင်ဆိုစေကာမူ ရန်ကုန်သည် ရန်များကုန်စင်သွားသောကြောင့် ထိုကဲ့သို့ ငြိမ်းချမ်းသည့် သွင်ပြင်များကိုမြင်တွေ့ရသည်ဟု စိတ်ထဲတွင် မှတ်ချက်ချမိပါ၏။

( ရွှေထီး )
(TREND News ဂျာနယ်အတွဲ(၃)၊ အမှတ်( ၁၀ ) တွင်ပါရှိသော ဆောင်းပါးအား တဆင့်ပြန်လည်မျှဝေခြင်းဖြစ်ပါသည်။ )