Breaking

ပြင်ဦးလွင်-နောင်ချို-ကျောက်မဲ-လားရှိုး ပြည်ထောင်စုလမ်းမကြီးပေါ်တွင် အကြမ်းဖက်များ ဖျက်ဆီးပိတ်ဆို့ထားသည့် နေရာများအား လုံခြုံရေးတပ်ဖွဲ့ဝင်များက အများပြည်သူသွားလာမှု အဆင်ပြေစေရေး ပြန် လည်ပြုပြင်

၂၀၂၃၊  နိုဝင်ဘာ ၂၁ 
    ပြင်ဦးလွင်-နောင်ချို-ကျောက်မဲ-လားရှိုး ပြည်ထောင်စုလမ်းမကြီးပေါ်၌ TNLA အဖွဲ့နှင့် PDF အမည်ခံ အကြမ်းဖက် သောင်းကျန်းသူများ ဖျက်ဆီးပိတ်ဆို့ထားသည့် နေရာများအား လုံခြုံရေးတပ်ဖွဲ့ ဝင်များက အများပြည်သူသွားလာမှု အဆင်ပြေစေရေးအတွက် ပြန်လည်ပြုပြင်ခြင်းများ ဆောင်ရွက်လျက်ရှိကြောင်း နစကသတင်း ထုတ်ပြန်ရေးအဖွဲ့က နိုဝင်ဘာ ၂၀ ရက်တွင် သတင်း ထုတ်ပြန်ခဲ့သည်။


    TNLA အဖွဲ့နှင့် PDF အမည်ခံအ ကြမ်းဖက်သောင်းကျန်းသူများအနေဖြင့် ရှမ်းပြည်နယ် (မြောက်ပိုင်း) အတွင်း ဌာနဆိုင်ရာ အဆောက်အအုံများ၊ လမ်း၊ တံတားများအား မိုင်းထောင် ဖောက်ခွဲဖျက်ဆီးခြင်းအပါအဝင် အကြမ်းဖက်လုပ်ငန်းများကို နည်းမျိုးစုံဖြင့် လုပ်ကိုင်လျက်ရှိသည့် အပြင် ဒေသအတွင်း ကုန်စည်စီးဆင်းမှု ပျက်ပြားစေရန်အလို့ငှာ စစ်ရေးပစ်မှတ်မဟုတ်သည့် အများ ပြည်သူ အသုံးပြုသွားလာလျက်ရှိသော လမ်းများအား ကန့်လန်ဖြတ်မြောင်း ကြီးများတူး၍ လမ်းအား ဖျက်ဆီးကာ မြေ စိုင်များဖြင့် ပိတ်ဆို့ခြင်းများ လုပ်ဆောင်လျက်ရှိကြောင်း သိရသည်။


    ထိုသို့လုပ်ဆောင်ရာတွင် TNLA အဖွဲ့နှင့် PDF အမည်ခံအကြမ်းဖက်သောင်း ကျန်းသူများသည် ပြင်ဦးလွင်-နောင်ချို- ကျောက်မဲ-လားရှိုး ပြည်ထောင်စုကားလမ်းမကြီးတစ်လျှောက်ရှိ နောင်ချိုမြို့နယ်၊ ရွှေ ညောင်ပင်၊ လယ်ကျင်း ကွေ့ကျေးရွာ၊ အုမ္မ ခါးကျေးရွာ၊ ဂုတ်တွင်းရှုခင်းသာအနီး၊ နောင် ပစ်လမ်းခွဲ၊ နောင်ပစ်နှင့် နောင်ပိန်းကျေးရွာကြား နေရာတစ်ဝိုက်စသည့် ခုနစ်နေရာတို့၌ မြေဖြတ်ကျင်းများတူး ၍လမ်းအား ဖြတ်တောက်ပိတ်ဆို့ခြင်း၊ အချို့နေရာများတွင် သစ်ပင်ကြီးများအား ခုတ်လှဲပိတ်ဆို့ခြင်းနှင့် မြေကြီးများ စုပုံပိတ်ဆို့ခြင်းများ ပြုလုပ်ခဲ့သ ဖြင့် မော်တော်ယာဉ်များနှင့် ခရီးသွားပြည်သူ များသွားလာမှု ရပ်တန့်ခဲ့ရသည်။ ထိုသို့အ ကြမ်းဖက်သမားများ၏ လုပ်ရပ်များကြောင့် ပြည်သူများ၏ အရေးပေါ်ကျန်း မာရေးကိစ္စများအတွက် သွားလာရန် အခက်အခဲဖြစ်ပေါ်ခဲ့ရပြီး ဆုံးရှုံးနစ်နာမှုများစွာ တွေ့ကြုံခဲ့ရ ကြောင်း သိရသည်။


    အဆိုပါအကြမ်းဖက်သောင်း ကျန်းသူများ လမ်းပိတ်ဆို့ဖျက်ဆီးထားသည့် နေရာများအား လုံခြုံရေးတပ်ဖွဲ့ဝင်များက နိုဝင်ဘာ ၆ ရက်မှစ၍ လိုအပ်သည့် လုံခြုံ ရေးလုပ်ငန်းများဆောင်ရွက်ကာ အတားအ ဆီးများအား တစ်ဆင့်ပြီးတစ်ဆင့် ဖယ်ရှား ရှင်းလင်း၍ အများပြည်သူ အဆင်ပြေချော မွေ့စွာ ပြန်လည်အသုံးပြုသွားလာနိုင်ရေး ကြိုးပမ်းဆောင်ရွက်ခဲ့ရာ နိုဝင်ဘာ ၁၉ ရက် ညပိုင်းတွင် အကြမ်းဖက်သမားများ ပိတ်ဆို့ ဖျက်ဆီးထားသည့်နေရာ ၁၂ နေရာတို့အား ပြန်လည်ဖယ်ရှားရှင်းလင်းပေးနိုင်ခဲ့ပြီး ကျောက်မဲမြို့အထိ ပုံမှန်အတိုင်း သွားလာ နိုင် ပြီဖြစ်ကြောင်း သတင်းထုတ်ပြန်ထားသည်။


    ထို့အပြင် အဆိုပါ ပြည်ထောင်စု လမ်းမကြီးတစ်လျှောက်တွင် ကျန်ရှိသည့်နေ ရာများအားလည်း ပုံမှန်အတိုင်း ပြန်လည် အသုံးပြုသွားလာနိုင်ရေးအတွက် ဆက်လက် ကြိုးပမ်းဆောင်ရွက်လျက်ရှိပြီး ယခုကဲ့သို့ စစ်ရေးပစ်မှတ်မဟုတ်သည့် အများပြည်သူ အသုံးပြုသွားလာလျက်ရှိသည့် လမ်းမကြီး များအား ဖျက်ဆီးခဲ့သည့် အကြမ်းဖက်သမား များအား ဒေသခံပြည်သူများနှင့် ပူးပေါင်းကာ အကြမ်းဖက်မှု ချေမှုန်းရေးစစ်ဆင်ရေးကို  ဆောင်ရွက်လျက်ရှိကြောင်း နစကသတင်း ထုတ်ပြန်ရေးအဖွဲ့မှ သတင်းထုတ်ပြန်ခဲ့သည်။

Total Views ~ 173

ဆက်စပ်အကြောင်းအရာများ

ဆက်စပ်အကြောင်းအရာများ

စုစုပေါင်းကြည့်ရှုသူများ

43917

© 2022 - 2025 News. All Rights Reserved.