၂၀၂၃ ၊ မေ ၂၅
" မိုခါ"မုန်တိုင်းဒဏ်သင့်ခဲ့ပြီး လျှပ်စစ်မီးများ ပြတ်တောက်နေသည့် ရခိုင်ပြည်နယ် စစ်တွေမြို့၏ နေရာအချို့တွင် ယနေ့(မေ ၂၅)မှစ၍ လျှပ်စစ်မီးများ ရရှိနေပြီ ဖြစ်ကြောင်း သိရသည်။ စစ်တွေမြို့ရှိ ကားကြီးဝန်း-မီးစက်ကြီးအဝိုင်း၊ မီးစက်ကြီးအဝိုင်း-နာရီစင်၊ နာရီစင်- ဘီလူးမတံတား၊ ဘီလူးမတံတား-ဆတ်ရိုးကျ တံတားလမ်း တစ်လျှောက် တွင် ည ၇ နာရီမှ ၁၀ နာရီအထိ လမ်းမီးများထွန်းညှိ သွားမည်ဖြစ်ကြောင်းနှင့် ပြည်သူများ၏ဖုန်းများ၊ လျှပ်စစ် မီးလုံးများနှင့် အခြားဘက္ထရီ အားသွင်း လျှပ်စစ်ပစ္စည်းများ အသုံးပြုနိုင်ရန်အတွက် Charging Point နေရာများဖြစ်သော ကားကြီးဝန်း၊ မီးစက်ကြီး အဝိုင်း၊ အစိုးရအဖွဲ့ရုံးရှေ့၊ ယဉ်ကျေးမှုပြတိုက်နှင့် ဘီးလူးမ တံတားထိပ် စသည့် Charging Point နေရာများတွင် လျှပ်စစ်ဓာတ်အား စတင်ဖြန့်ဝေ ပေးလျက်ရှိကြောင်း သိရသည်။
