၂၀၂၃ ဇွန် ၆

ပြီးခဲ့သည့် ဇွန်လတွင် ပြည်ပသို့ ဆန်နှင့် ဆန်ကွဲတင်ပို့မှု မက်ထရစ်တန်ချိန် ၆၂၇၂၅ တန် တင်ပို့ထားပြီး မေလထက် ပိုမိုတင်ပို့နိုင်ခဲ့ကြောင်း မြန်မာနိုင်ငံ ဆန်စပါးအဖွဲ့ချုပ်မှ သိရသည်။

ပြည်တွင်း၌ စိုက်ပျိုးထုတ်လုပ်သည့် ဆန်နှင့်ဆန်ကွဲများကို နယ်စပ်လမ်းကြောင်းနှင့် ပင်လယ်ရေကြောင်းမှ တဆင့်တင်ပို့ရောင်းချနေခြင်းဖြစ်သည်။

ဇွန်လတွင် ပြည်ပကို ဆန်တင်ပို့ခဲ့သည့် ကုမ္ပဏီပေါင်း (၃၀) ခုရှိပြီး တင်ပို့မှုတွင် ပင်လယ်ရေကြောင်းမှ ၅၈၀၀၁ မက်ထရစ်တန်နှင့် နယ်စပ်လမ်းကြောင်းမှ ၄၇၂၄ မက် ထရစ်တန် တင်ပို့ခဲ့ကြောင်း သိရသည်။

အဆိုပါ ပြည်ပတင်ပို့မှု ပမာဏတွင် ဆန် မက်ထရစ်တန်ချိန် ၂၇၅၆၉ တန်နှင့် ဆန်ကွဲ ၃၅၁၅၆ မက်ထရစ်တန် တင်ပို့ခဲ့ခြင်းလည်း ဖြစ်သည်။

နိုင်ငံအလိုက် ဆန်တင်ပို့မှုအနေဖြင့် တူရကီနိုင်ငံသို့ မက်ထရစ်တန်ချိန် ၄၃၆၀ တန်၊ စပိန်နိုင်ငံသို့ မက်ထရစ်တန်ချိန် ၃၁၂၅ တန်၊ ဘူဂေးရီးယားနိုင်ငံသို့ မက်ထရစ်တန်ချိန် ၁၅၉၃ တန်၊ ပိုလန်နိုင်ငံသို့ မက်ထရစ်တန်ချိန် ၅၆၂ ၅ တန်၊ ဂျာမနီနိုင်ငံသို့ နိုင်ငံသို့ မက်ထရစ်တန်ချိန် ၁၇၃၅ တန် အပါအဝင် အခြားနိုင်ငံပေါင်း ၁၇ နိုင်ငံသို့ မက်ထရစ်တန်ချိန် ၁၁၁၃၁ တန်တင်ပို့ထားကြောင်း သိရသည်။

ထို့ပြင် ဆန်ကွဲတင်ပို့မှုတွင် ဘယ်လ်ဂျီယံနိုင်ငံသို့ မက် ထရစ်တန်ချိန် ၁၄၇၀၀ တန်၊နယ်သာလန်နိုင်ငံသို့ မက်ထရစ် ‌တန်ချိန် ၈၅၀၀ တန်၊ တရုတ်နိုင်ငံသို့ မက်ထရစ်တန်ချိန် ၇၃၄၄ တန်၊ ပိုလန်နိုင်ငံသို့ မက်ထရစ်တန်ချိန် ၁၄၉၅ တန်၊ အပါအဝင် အခြားနိုင်ငံ ၇ နိုင်ငံသို့ မက်ထရစ်တန်ချိန် ၃၁၁၇ တန်တင်ပို့ထားကြောင်းသိရသည်။