ရန်ကုန်၊ နိုဝင်ဘာ ၂၇
    ရန်ကုန်မြို့တော် စည်ပင်သာယာ ရေးကော်မတီ၊ ပန်းဥယျာဉ်နှင့် အားကစားကွင်းများဌာနမှ စီမံခန့်ခွဲလျက်ရှိသော ပန်းခြံများအတွင်းရှိ အဆင့်မြင့်သန့်စင်ခန်း လုပ်ငန်းငါးခုကို တင်ဒါစနစ်ဖြင့် အငှားချထား ဆောင်ရွက်ရန် တင်ဒါခေါ်ယူထားကြောင်း သိရသည်။
    တင်ဒါစနစ်ဖြင့် အငှားချထားမည့် လုပ်ငန်းငါးခုမှာ  အလုံမြို့နယ် သခင်မြပန်း ခြံရှိ အဆင့်မြင့် သန့်စင်ခန်း(၁)လုပ်ငန်း (အကျယ်အဝန်း- 27'x31)၊ ဒဂုံမြို့နယ် ပြည်သူ့ရင်ပြင်နှင့် ပြည်သူ့ဥယျာဉ်ရှိ အဆင့်မြင့် သန့်စင်ခန်းလုပ်ငန်း (အကျယ်အဝန်း- 30 'x 26')၊ ကမာရွတ်မြို့နယ် အင်းလျားပန်းခြံရှိ  အဆင့်မြင့်သန့်စင်ခန်းလုပ်ငန်း (အကျယ်အဝန်း- 24'x33')၊ ဗဟန်းမြို့နယ် ဗိုလ်ချုပ်ပန်းခြံ၊ သစ်တောဇုန်ရှိ ဌာနပိုင်သန့်စင်ခန်းလုပ်ငန်း (အကျယ်အဝန်း - 37'x31)၊ ဗဟန်းမြို့နယ် ဗိုလ်ချုပ်ပန်းခြံရှိ ဌာနပိုင်သန့်စင်ခန်း လုပ်ငန်း (အကျယ်အဝန်း - 31'x32')စသည့် လုပ်ငန်းများဖြစ်ကြောင်း YCDC တင်ဒါကော်မတီမှ အသိပေးထားသည်။
    ယင်းလုပ်ငန်း ငါးခုအား အငှားချ ထားပေးရန်အတွက် တင်ဒါလျှောက်လွှာများကို နိုဝင်ဘာ ၂၆ရက်မှစ၍ ဒီဇင်ဘာ ၉ ရက်အထိ ဒဂုံမြို့နယ် ဦးဥတ္တမပန်းခြံအတွင်းရှိပန်းဥယျာဉ်နှင့် အားကစားကွင်းများဌာန (ရုံးချုပ်)တွင် ရောင်းချပေးမည်ဖြစ်ပြီး တင်ဒါလျှောက်လွှာများကို ဒီဇင်ဘာ ၁၀ ရက် နောက်ဆုံးထား၍ ယင်းအားကစားကွင်းများ ဌာန (ရုံးချုပ်)သို့ တင်သွင်းရမည်ဖြစ်သည်။
    ထို့အပြင် တင်ဒါကျင်းပပွဲကို ဒီဇင်ဘာ ၁၂ ရက်တွင် ရန်ကုန်မြို့တော်စည်ပင်သာယာရေးကော်မတီ မြို့တော်ခန်းမ၊ ခန်းမ(၂)၌ ပြုလုပ်မည်ဖြစ်ကြောင်း ရန်ကုန်မြို့ တော်စည်ပင်သာယာရေး ကော်မတီ၊ တင်ဒါကော်မတီမှ အသိပေးထားသည်။ နဒီ